Arestado sa bayan ng San Andres sa probinsya ng Romblon ang lalaking wanted ng bayan ng Trece Martires, Cavite, nitong hapon ng Martes, September 17.
Kinilala ng pulisya ang suspek na si Romeo Saria, 44 taong gulang, at residente ng Barangay Marigondon Sur, San Andres, Romblon.
Ayon kay Ayon kay Police Chief Master Sergeant Allan Fruelda, nakatanggap sila ng tip mula sa informant na sa bayan ng San Andres nagtatago ang suspek.
Dahil dito, agad na nagsagawa ng operasyon ang Intelligence Branch ng Romblon Police Provincial Office, San Andres Municipal Police Station at Romblon Police Mobile Force Company para arestuhin ang suspek.
Inaresto ang suspek sa bisa ng isang warrant of arrest na nilabas ng Regional Trial Court Branch 23 dahil sa kasong Frustrated Murder na taong 2015 pa inilabas.
Nakakulong na ngayon ang suspek sa San Andres Municipal Police Station at dadalhin pabalik ng Cavite bukas sakay ng RORO.
