Isang pawikan na may bigat na halos 30 kilo ang nailigtas mula sa pagkakalambat sa bayan ng San Andres, Romblon nitong Linggo ng umaga, September 22.
Ayon sa mangingisda na si Rudy Aungon, bandang alas-8 ng umaga ng mapansin niyang sumapit ang pawikan sa kanyang lambat ang pawikan kaya agad niya itong dinala sa dalampasigan para ireport sa mga kinauukulan.
Agad na pumunta ang mga tauhan ng Municipal Disaster Risk Reduction and Management Office ng San Andres kasama ang kanilang Municipal Agriculturist na si Dario Gacu.
Ayon kay Gacu, ligtas naman umano ang pawikan at wala ring sugat kaya agad nila itong pinakawalan sa dagat matapos masuri.
Ang mga pawikan ay kabilang sa mga hayop na itinuturing ng endangered sa buong mundo dahil sa papaunting bilang ng mga ito.
