Isang saminar patungkol sa Earthquake Engineering at sa Disaster Risk Management ang inorganisa nitong Huwebes ng Romblon State University – College of Engineering and Technology sa pakikipagtulungan ng International Geosynthetics – Philippines.
Dinaluhan ito ng aabot sa 31 participants mula sa mga LGUs, DILG, Philippine Science High School, mga Contractors, at halos 70 na manonood na binubuo ng mga guro at estudyante ng Civil Engineering Department sa College of Engineering and Technology.
Ayon kay Dr. Reynaldo Ramos, Designated Director for Planning and Development ng RSU, layunin ng seminar na mas ma-improve ang kaalaman at skills ng mga engineers at environmental professionals pagdating sa earthquake engineering.
“As part of the internalization initiatives of the university, this seminar series organized by CET is to improve the knowledge and skills of engineering and environmental professionals, including faculty and students on earthquake engineering, structural dynamics and retrofitting/rehabilitating of major infrastructures,” pahayag ni Dr. Ramos.
“Consequently strengthen the practice of civil engineering and environmental planning in the country thru international linkages or partnerships,” dagdag nito.
Isa sa mga resource speaker ng seminar ay si Dr. Martin Wieland, Chairman ng Committee on Seismic Aspects of Dam Design ng International Commission on Large Dams o ICOLD simula pa noong 1999.
Ipinaliwanag ni Dr. Wieland ang ilang risk aspects ng earthquake sa mga Industrial facilities at sa mga infrastructure projects at kung paano ito maiiwasan.
Nagpakita rin siya ng isang desinyo ng tulay o viaduct na may full seismic isolation sa kanyang bridge deck.
Maliban kay Dr. Wieland, naging tagapagsalita rin sina Engr. Henremagne Penarubia ng Philippine Institute of Volcanology and Seismology (Phivolcs) at Dr. Precelita Manliguez ng Romblon State University – Santa Maria Campus.
