Kritikal ang lagay ng isang matandang babae matapos mahagip ng isang motorsiklo sa kahabaan ng National Road sa Barangay Punta, Looc, Romblon nitong gabi ng Biyernes.
Ayon sa Looc Municipal Police Station, naglalakad sa gilid ng kalsada ang 71 taong gulang na si Salvacion Clemente nang biglang salpukin ng isang motorsiklong minamaneho ni Anthony Ibabao, 22.
Dahil sa pagkakasalpok, tumilapon ang rider sa kalsada at nagtamo ng sugat habang nauntog naman sa kalsada ang matandang nasalpok nito.
Agad namang dinala ang dalawa sa Don Modesto Formilleza Sr. Memorial Hospital ng mga rumespondeng tauhan ng Looc Municipal Police Station at Municipal Disaster Risk Reduction and Management Office.
Lumalabas sa imbestigasyon ng pulisya na nakainum, walang lisensya, at wala ring suot na helmet ang rider ng motorsiklo na ngayon ay nasa cutody na ng kapulisan.
Posible maharap sa kasong Reckless Reckless Imprudence resulting to Serious Physical Injuries si Ibabao.
