Bahagyang na stranded ang mga motoristang palabas at papasok ng bayan ng Cajidiocan, Romblon nitong umaga ng Lunes, August 5, matapos gumuho ang gilid ng isang bundok at humarang sa national road sa Barangay Cambijang.
Ayon sa mga litrato ni Fr. Randy A. Constantino, makikita ang kalsadang natabunan na ng puno, bato, at mga lupa na galing sa gumuhong bundok.
Wala nama umanong nasaktan sa insidente.
Agad naman umanong nalinis ang kalsada ng mga tauhan ng Local Government Unit ng Cajidiocan para madaanan ng mga motorista.
Nawalan rin ng kuryente sa buong Sibuyan Island kaninang umaga ayon sa pamunuan ng Romblon Electric Cooperative (ROMELCO).
