Inaasahang magsasagawa ng dry run sa darating na Nobyembre 2019 ang US based restaurant na Shakey's Pizza sa bayan ng Odiongan sa Romblon bilang bahagi ng kanilang pag expand sa labas ng Metro Manila.
Inanunsyo ito ni Odiongan Vice Mayor Diven Dimaala sa kanyang Facebook page.
Aniya, bumisita na ngayong araw ang Southern Luzon coordinator ng Shakey's Pizza sa kanyang opisina at inaasahang magsisimula silang magbenta ng masarap na pizza sa pamamagitan ng isang mobile store na ilalagay sa tabi ng Odiongan Public Plaza.
Samantala, sinabi ni Vicente Gregorio, presidente ng SHAKEY’S Pizza Asia Ventures Inc na may 20 bagong stores silang bubuksan sa buong Pilipinas bago matapos ang 2019, dagdag ito sa 229 stores na kasalukuyang meron ang American Pizza brand.
