Ipinagdiwang sa bayan ng Santa Maria sa Romblon nitong July 12 ang linggo ng mga kababayan nating may kapansanan sa pamamagitan ng 41st National Disability Prevention and Rehabilitation (NDPR) Week.
Sa maikling programang naganap sa Barangay Concepcion Sur, nagkaroon ng singing contest, dance contest, at poster making contest kung saan dinaluhan ng mga Persons with disabilities (PWDs) ng bayan ng Santa Maria.
Bago nito, nagkaroon muna ng motorcade paikot sa bayan ang mga dumalo kasama si Santa Maria Mayor Lorilie Fabon at mga tauhan ng Department of Social Welfare and Development.
Ayon sa pamunuan ng Provincial Social Welfare and Development, nakasaad sa Magna Carta of Disabled Persons at Republic Act 9442 na may iba’t ibang pribilehiyo ang mga taong may kapansanan o PWDs (persons with disabilities) upang protektahan ang mga karapatan nito.
Itinuturing na may kapansanan ang mga taong may dinaranas na hadlang sa kanilang iba’t ibang kakayahan, bunga ng pinsala sa pag-iisip, katawan, o pandama.
