Pinasinayaan nitong Martes, June 18, ang bagong tayong halfway home at Doctor’s Quarter sa loob ng compound ng Romblon Provincial Hospital.
Pinangunahan ni Incumbent Governor Eduardo Firmalo, Chief of Hospital Dr. Benedict Anatalio, at Dr. Ruth Cervo, chief ng DOH-Romblon, ang pagpapasinaya.
Ang magkatabing halfway home at Doctor’s Quarter ay matatagpuan sa taas ng Enrique Ona Hall, at RPH-Building 1.
Ayon sa pahayag ni Firmalo, ang halfway home ay isang dormitory na proyekto ng Provincial Government para sa mga mahihirap na pamilyang may kamag-anak na naka-confine sa Romblon Provincial Hospital pero walang matuluyan ang mga bantay sa Odiongan.
Ang nasabing halfway home ay magsisilbi nilang temporary shelter habang nasa Odiongan sila, at para masiguro ang kanilang kaayosan at kaligtasan habang malayo sa kanilang mga bayan.
Samantala ang Doctor’s Quarter ay makakatulong para sa mga Doctor na nagduduty sa ospital ngunit walang tirahan sa bayan.
Makakatulong umano ito sa kanila dahil makakatipid sila pagdating sa lodging, at advantage rin umano para sa mga pasyente dahil malapit lang sa ospital ang mga Doctor.
