Isang baril na pagmamay-ari ng D’Survival Security Agency Inc. ang ninakaw ng hindi pa nakikilalang (mga) salarin nitong madaling araw ng Linggo, June 23, sa loob ng isang pawnshop sa Odiongan Public Market.
Base sa kwento ng secutiry guard ng pawnshop sa Odiongan Municipal Police Station, posibleng nangyari ang pagnanakaw bandang alas-2 ng madaling araw.
Ninakaw ng suspek/s ang isang SAM GUARDIAN caliber 9 mm na baril na may lamang magazine na may bala.
Ayon sa security guard ng pawnshop na si Ericson Zuela, nailgay ng kasama nito na security guard rin bago magsara kahapon, Sabado, sa loob ng rostrum ang baril sa halip na sa isang vault itatago kaya nakuha nang hilahin ng mga magnanakaw ang rostrum mula sa kabilang bahagi ng accordion door.
Umaga na nadiskobre ni Zuela na nawawala ang baril ngunit inabot umano siya ng 11:30 na ng umaga bago naisumbong sa kapulisan ang nasabing insidente.
Samantala, inaalam na ng Odiongan Municipal Police Station ang posibleng salarin sa pagnanakaw at tinitingnan rin kung may kinalaman ang nawawalang baril sa nangyaring shooting incident sa bayan ng Alcantara nitong madaling araw rin ng Linggo.
