Dinarayo ngayon ang bagong summer destination sa bayan ng Looc, ang Reynaldo's Farm & Resort na matatagpuan sa Sitio Deposito sa Barangay Punta.
Pagpasok po ng resort, bubungad sayo ang malawak na swimming pool kung saan may para sa matanda at meron para sa mga bata. Tuwing hapon, maeenjoy dito ang napakandang sunset mula sa Looc Bay na perfect para sa mga mahilig ng nature trip at kumuha ng litrato para sa kanilang mga instagram account.
Sulit ang iyong bakasyon o kahit anumang okasyon dahil mura lamang ang entrance sa halagang P70/daytime para sa adults, P30 naman para sa batang edad 3-5 taon at P50 sa edad 6-13 taon. Pwede ring mag overnight sa lugar sa halagang P100, siguraduhin lang na may dala kayong sariling tent dahil walang rooms na available ang lugar.
Sa magkakahiwalay na lugar na di naman kalayuan sa swimming pool ay matatagpuan ang nakakamanghang lawak na taniman ng grapes o ubas. Umaabot ng 600 puno ng ubas ang makikita sa naturang farm na pinapangasiwan ng isang Russian National.
Para sa gustong maexplore ang kabuuan ng grape farm, maari kayong pumasok sa halagang P100 lang na entrance fee at tiyak masisiyahan kayo sa pambihirang pagkakataon na masilayan ang ubas na kalimitan lamang na tumutubo sa Pilipinas. Maari ka ring mag-uwi ng ubas sa halagang P250 kada kilo.
Ano pa ang hinihintay nyo mga kasimanwang Romblomanon at mga turista tuklasin natin ang Reynaldo's Farm and Resort.
