Panauhing pandangal ngayong araw, April 25, sina Senator Cynthia Villar at Ilocos Norte Governor Imee Marcos, sa pagdiriwang ng ika-19 taon ng Talabukon Festival at ika-dalawang taon ng One Looc's Letchon Festival sa Looc, Romblon.
Nagsalita ang dalawang senatoriables sa harap ng aabot sa mahigit 1000 manood na tumungo ng Looc para sumaksi sa pagdiriwang.
Masaya silang sinalubong ng mga residente ng Looc sa pamamagitan ng palakpakan.
Sa mensahe ng dalawa, binati nila ang bayan ng Looc ng ‘Happy Fiesta' at inilatag ang ilan nilang plataporma patungkol sa marmol, agrikulturo at sa turismo kung saan hitik ang probinsya ng Romblon.
Kasama nilang dumating ang grupo nina Atty. Eleandro Madrona, Vice Governor Jose Riano, at SP Armin Gutierrez, na tumatakbo sa Romblon ilalim ng Nationalista – PDP Coalition.
Matapos ang aktibidad sa Looc Public Plaza, nakipagpulong ang dalawa sa mga kandidato ng Nationalista Party sa probinsya.
