Patay matapos atakehin sa puso ang isa sa mga tumatakbo sa pagka-bise alkalde ng Santa Maria, Romblon nitong hapon ng Miyerkules, April 3.
Kinilala ang nasawi ni si Joel Mariveles, pambato ng Liberal Party sa nabanggit na lugar.
Ayon sa impormasyon na nakuha ng Romblon News Network, galing sa pangangampanya si Mariveles sa isang bundok sa Barangay Isidro ngunit pag-uwi nito sa bahay nila sa Barangay Concepcion Norte, bigla nalang nanghina at inatake sa puso.
Naisugod pa sa ospital si Mariveles ngunit binawian rin ng buhay kinalaunan.
