Bubuksan sa bayan ng Odiongan ngayong darating na Mayo ang modernong training at review center para sa mga gustong maging mahusay na elektrisista.
Ayon kay Engr. Eddie Catipay, bubuksan nila sa Barangay Batiano ang CATIPS Skills Specialists, Training & Review Center kung saan magbibigay sila ng serbisyo katulad ng Practical Skills Training (NC II – NC IV), Job Placement Referral (Local & Abroad), Career Guidance (Technical/Vocational), at Technical Tutorial Services.
Isa rin sa i-offer nila ay ang Review Services at training para sa mga gustong kumuha ng Master Electricians Licensure Examination.
Malaking tipid ang pagkakaroon ng review center para sa mga gustong kumuha ng Master Electricians Licensure Examination sa Odiongan dahil hindi na nila kailangang pumunta ng Manila para mag-review.
Laman rin ng kanilang training center sa Odiongan ang mga bago at modernong kagamitan para sa pagsasanay sa pagka-elektrisista at pagiging mahusay sa automatic system.
Habang hindi pa umano sila nagbubukas ay magsisimula na silang tumanggap ng mga gustong mag enroll para sa darating na Mayo ay papasok nalang sila.
Maaring kontakin ang CATIPS Skills Specialists, Training & Review Center sa (+63)9394522642 o sa (+63)9062918372 at hanapin lamang si Ceasar Valliente.
