Sumalpok sa pader ng isang bahay sa Brgy. Gutivan, Cajidiocan, Romblon ang isang trailer matapos itong kumalas sa truck nitong umaga ng Lunes, March 04.
Ayon sa mga saksi, mabilis umano ang patakbo ng nasabing truck at hindi nito namalayan na kumalas na pala ang hinihila nitong trailer hanggang sa bumulusok sa bahay ni Ivy Soliman.
Sa lakas ng pagkakasalpok ng trailer, nabutas ang pader ng bahay ni Soliman at nagkalat ang mga bato sa loob nito. Maswerte namang walang nasaktan sa mga taong nakatira sa bahay.
Patuloy pang iniimbestigahan ng Cajidiocan Municipal Police Station ang nasabing aksidente.
Paalala ng otoridad, maging maingat sa pagmamaneho ng mga sasakyan lalo kung nasa mataong lugar.
