Sugatan ang tatlong sakay ng isang tricycle matapos mahulog sa halos anim na talampakang bangin nitong gabi ng Valentine's Day sa sa Barangay Concepcion Sur, Santa Maria, Romblon.
Kinilala ang mga sakay ng tricycle na sina Jonas Mallorca, Romeo Mallorca Jr at Tinoy Galang, pawang mga residente ng nabanggit na Barangay.
Nawalan umano ng kontrol sa tricycle ang driver nito kaya dumiretso sa bangin hanggang sa mahulog.
Agad namang tumulong ang mga residente sa lugar, para maialis ang tatlo sa bangin at madala sa Don Modesto Formilleza Sr. Memorial Hospital sa bayan ng Looc, Romblon.
Nagpapagaling na ngayon ang tatlo.
