Dumating na sa San Agustin, Romblon nitong Linggo, February 03, ang labi ng nasawing si Seaman Second Class Jaypee Galicha sa pagsabog sa Mt. Carmel Church sa Jolo, Sulu noong nakaraang Linggo na ikinasawi ng mahigit 20 katao.
Sakay si Galicha ng BRP Malabrigo (MRRV-4402) ng Philippine Coast Guard.
Sinalubong si Galicha ng kanyang mga kababayan sa bayan ng San Agustin, gayun rin nina Mayor Denon Madrona, Vice Governor Jose Riano, SP Jun Bernardo, at dating congressman Eleandro Jesus Madrona.
Mismong mga kasamahan ni Galicha sa Tanod Baybayin ng Pilipinas o Philippine Coast Guard Station-Romblon ang nagbuhat sa ataol ni Galicha patungo sa sasakyan na maghahatid sakanya sa kanilang barangay.
Inaasahang Ililibing ito katabi ng kanyang mga magulang sa San Agustin Public Cemetery sa susunod na araw.
