Nagsagawa ang World Surgical Foundation (WSF) Philippines ng libreng surgical outreach sa Romblon Provincial Hospital at Sibuyan District Hospital, sa pakikipagtulungan ng pamahalaang panlalawigan at Mabuhay Padala Center.
Sa pitong araw na surgical mission na isinagawa ng mga boluntaryong doktor ng World Surgical Founfdation ay umabot sa 458 pasyente ang naoperahan sa sakit na prostate TURP, myoma, luslos, hemorrhoids, fistula in ano, colostomy creation, colostomy closure, gastrostomy tube surgery, congenital pediatric surgery, bukol sa suso, bingot/harelip, bato sa apdo, bukol sa matris o obaryo at libreng kunsultasyon para sa iba’t-ibang uri ng sakit.
Batay sa talaan ng Romblon Provincial Hospital, 71 pasyente ang matagumpay na sumailalim sa major operation at 180 naman ang nag-undergo sa minor procdures.
Kasunod namang tinungo ng World Surgical Foundation ang isla ng Sibuyan kung saan nakapagsagawa rin ang mga volunteer surgeons dito ng 66 major at minor operations at 141 pasyente ang nabigyan ng libreng medical consultations.
Nagpahayag ng papuri si Governor Eduardo C. Firmalo sa mga dalubhasang manggagamot na nagbigay ng serbisyo sa kaniyang mga kababayan at hindi inalintana ang pagod sa halos pitong araw na pagsasagawa ng operasyon sa mga pasyente. (DMM/PIA-MIMAROPA/Romblon)
