Hinikayat ng Municipal Local Government Operations Officer ng Odiongan na si Carl Faina ang mga Sangguniang Bayan member na huwag ng i-overide ang desisyon ni Odiongan Mayor Trina Firmalo-Fabic na i-veto ang resolusyong ipinasa ng Sangguniang bayan ng Odiongan na nagbabalik ng Annual Investment Plan (20% development fund) sa Municipal Development Council (MDC).
Dumalo si Faina sa ginanap ng committee hearing ng Committee on Appropriation na pinamumunuan ni SB member Romeo Chua nitong umaga ng Miyerkules, January 16, kasama ang mga barangay captains ng Odiongan na miyembro rin ng Municipal Development Council.
Sinabi ni Faina na kung ang process lang masusunod, dapat noon pa umano sa preparation stage o sa mga ginawang MDC Meeting palang ay naglabas na ng suhestiyon ang Sangguniang Bayan para napag-usapan sa MDC Meeting. Sa ngayon kasi umano ay nasa authorization stage na ang Sangguniang bayan kung saan dito na aaprubahan ng Sangguniang Bayan ang budget ng munisipyo para sa taong 2019.
Ipinaliwanag ni MLGOO Faina na kung hindi maipasa ang budget pagkatapos ng March 2019, magiging reenacted ang budget ng munisipyo kung saan ang 2018 approved budget plan ang gagamitin para sa 2019 kaya ang mga nakalista sa Annual Investment Plan ay hindi pwedeng ma-implement at may mga empleyado ng munisipyo na sasahod lang dahil wala umanong tatrabahuin.
Ang pangkalahatang kapanan umano ng mga residente ng Odiongan ang posibleng maapektuhan dahil sa pagkaka-delay sa pag-apruba ng 2019 budget.
Sinabi naman ni SB Butchoy Arevalo kay MLGOO Faina na matagal naipasa sa opisina ng legislative ang Annual Investment Plan ng munisipyo kaya kinapos umano sila ng time para maipasa ang budget bago matapos ang taong 2018.
Ilang barangay captain, kwinestuyon ang desisyon ng mga SB na ibalik sa MDC ang AIP
Samantala, kwinestuyon naman ng ilang dumalong barangay captains na miyembro ng MDC ang desisyon ng Sangguniang Bayan na ibalik sakanila ang kanilang inauprubahang listahan.
“Meron bang proyekto jan sa inaprubahan namin ang labag sa batas, o hindi katangganp-tanggap sa inyo?,” tanong ni Dapawan barangay captain Lee Famisaran sa mga miyembro ng Sangguniang Bayan.
Ayon pa sa isang kapitan na nagsalita, wala naman umanong nagreklamo na miyembro ng MDC noong inaprubahan nila ang budget, at sa mismong barangay di umano nanggaling ang mga proyektong nakasulat sa Annual Investment Plan.
Batay sa Reso No. 2019-01 na inaprubahan ng Sangguniang Bayan ng Odiongan, ang pagbalik nila sa MDC Budget ay para umano matingnan at makonsidera ng MDC na sa halip na sa itatayong Government Center mapunta ang P8-million mula sa 20% development fund, ito ay gamitin nalang sa health, livelihood, at potable water system sa Northern part ng Odiongan.
Sinabi naman ni SB Romeo Chua ang mga barangay captain na may suhestiyon lamang umano ang mga miyembro ng Sangguniang bayan member ngunit kung gusto naman umano ng mga barangay captain na miyembro ng MDC na ang desisyon nila ang masunod, ay wala naman umanong magagawa ang Sangguniang bayan.
What's next to the budget hearing
Posibleng pag-usapan na ng miyemrbo ng Committee on Appropriation ang rekomendasyong napag-usapan sa ginanap na Committee hearing kabilang na ang rekomendasyon ni Municipal Local Government Operations Officer ng Odiongan na si Carl Faina.
Ayon kay SB Romeo Chua, at SB Rollie Lachica, pagbobotohan ng mga miyembro ng committee kung ano ang kanilang susunod na gagawin, kung kanila bang i-overide ang desisyon na pag-veto ni Mayor Fabic o aaprubahan na nila ang budget.
