Tiklo sa pinagsamang pwersa ng San Agustin Municipal Police Station, Provincial Mobile Force Company at San Andres Municipal Police Station, ang number eight most wanted person sa bayan ng San Andres, Romblon na si Vicente Cortez, alyas Itik.
Naaresto si Itik sa Brgy. Bachawan, San Agustin, Romblon nitong Lunes, September 17, sa bisa ng isang warrant of arrest na nilabas ng Regional Trial Court Branch 82.
Si Itik ay wanted sa kasong frustrated murder noon pang 2016.
Nakakulong na ngayon ang suspek sa San Andres Municipal Police Station at inaasahang ihaharap sa korte sa mga susunod na araw.
Maaring makalaya ang suspek kung magbabayad ito ng piyansang aabot sa P200,000.
