Dead on the spot ang isang 24-anyos na lalaki sa bahagi ng Poctoy Bridge sa Barangay Poctoy, Odiongan, Romblon matapos magulungan ng isang oil tanker truck nitong gabi ng Linggo, September 23.
Nakilala ng Odiongan Municipal Police Station ang biktima na si Remil Fradejas Bandelaria, residente ng Barangay Batiano.
Ayon sa nakuhang spot report ng Romblon News Network, lumiko sa pakurbang daan sa approach ng poctoy bridge ang nasabing oil tanker truck patungong town proper kung saan naman naglalakad si Bandelaria. Dito na nahagip at nagulungan ng mga gulong ng truck ang biktima.
Sinubukan pa umanong tumakas ng nasabing sasakyan ngunit nahabol ito ng mga nakasaksi sa aksidente. at napara malapit sa isang gasulinahan sa parehong Barangay. Kinilala ng Odiongan Municipal Police Station ang driver ng oil tanker truck na si Rolando Coloner, 47-taong gulang, residente ng Batangas.
Hawak na ng pulisya si Coloner at nakakulong na ngayon sa Odiongan Municipal Police Station para masampahan ng kaukulang kaso. Wala pang pahayag suspek at ang kompanyang pinagtatrabahuan nito.
