Isang estudyante ang binawian ng buhay sa Romblon Provincial Hospital nitong Sabado, August 25, matapos tamaan ng sakit na dengue.
Kinilala ang pinakabagong namatay dahil sa dengue sa probinsya na si Jehu Sual, residente ng Santa Fe, Romblon.
Si Sual, isang grade 11 student sa Santa Fe National High School, ay naospital nitong nakaraang Linggo matapos magkalagnat at makitaan ng mga sintomas ng dengue.
Ayon kay Ralph Falculan ng Department of Health Romblon, aabot na sa lima ang namatay dahil sa sakit na dengue sa probinsya ng Romblon mula Enero hanggang August 30 ngayong taon. Isa sa San Andres at Santa Maria, dalawa naman sa Odiongan, at ikalima si Sual.
Sa pinakahuling taya ng DOH, aabot na sa 289 ang kaso ng dengue sa probinsya ngayong taon, mas mataas ng halos 129% mula sa datus noong 2017.
Patuloy ang paalala ng Department of Health sa publiko na tandaan ang 4S laban sa dengue para makaiwas sa nasabing sakit.para makaiwas sa nasabing sakit.
