Aabot sa 25 na senior citizens sa Barangay Liwayway sa bayan ng Odiongan, Romblon ang nakatanggap nitong Biyernes ng maagang pamasko mula kay Sangguniang Bayan Member Virgie Maulion. Laman ng sako bag ang Bigas, Noodles, De-lata, Asukal, at Kape.
Sinabi ni Maulion na simula ng maupo siya sa pwesto bilang Sangguniang Bayan Member ng Odiongan noong 2013 ay may aabot na sa 2,000 na senior citizen siyang nabigyan ng parehong regalo.
Pagpapakita umano ito na dapat ibigay parin sa mga senior citizen ang pagmamahal na dapat natatanggap nila kahit sila’y matanda na.
“Sa personal na sahod ko kinukuha yung binibigay ko sa kanila, pangako ko ito sa kanila noong wala pa tayo sa pwesto, pero rin nila ang sinasahod natin kaya dapat ibalik natin ito sa kanila,” pahayag ni Maulion.
Ayon naman sa isang senior citizen na nakatanggap ng regalo, malaking tulong ito lalo na sa katulad nilang mga senior citizen na walang trabaho at umaasa lang sa kanilang mga anak para mabuhay sa araw-araw.
