Inaresto ng mga tauhan ng San Andres Municipal Police Station ang dating konsehal ng San Andres, Romblon matapos di umanong magdala ng baril matapos itong masangkot sa isang away-trapiko nitong Sabado ng hapon sa Barangay Calunacon.
Kinilala ang suspek na si Rodolfo Gan Manzano, 63-anyos, residente ng nasabing bayan habang ang complainant naman ay si Ruel Rada Mortel, 49 years old, contractor, at residente ng Barangay Concepcion Sur Sta Maria, Romblon.
Ayon sa pulisya, sakay ng kanyang motorsiklo si Manzano at dumaan sa ginagawang tulay ng construction firm ni Mortel, ngunit pagdating dito ay nagkaroon ng pagtatalo ang dalawa hanggang sa umalis bigla ang suspek.
Bumalik umano ito ngunit may dala ng cal. 38 na handgun na nakasabit sa kanyang baywang.
Matapos mapansin ni Mortel ang baril, agad niya itong kinuha sa baywang ng suspek at nagsumbong sa pulisya.
Narekober ng San Andres Municipal Police Station ang isang cal. 38 na handgun at mga bala ng baril mula na di umanoy pag-mamayari ng suspek.
Ikinulong ng pulisya ang suspek at nahaharap ngayon sa kaukulang kaso.
