Sugatan ang isang rider sa Barangay Madalag, Alcantara, Romblon matapos sumalpok ang dinadala niyang motorsiklo sa sinusundan niyang SUV.
Ayon sa Alcantara Municipal Police Station, biglang tumigil ang SUV na minamaneho ni Rhea Anne Imperial Jusay sa gitna ng daan dahil sa biglang pagtawid ng isang aso kaya sumalpok ang sumusunod na sakanyang rider na kinilalang si Bon Adones Clemente Dimantala.
ADVERTISEMENT
Nagtamo ng sugat si Dimantala kaya agad itong dinala sa Rural Health Center ng Alcantara at kinalaunan ay inilipat sa Don Modesto Formilleza Sr. Memorial Hospital sa Looc, Romblon.
Samantala, dinala na ng Alcantara Municipal Police Station sa kanilang opisina ang mga nasangkot na sasakyan.
