Tiklo sa pinagsamang pwersa ng Magdiwang Municipal Police Station at Binangonan Municipal Police Station ang itinuturing na number 5 most wanted person ng bayan ng Magdiwang, Romblon na si Felix Picardal Moral Jr., 28-anyos.
Si Moral ay naaresto sa Azucena St. sa Barangay San Carlos, Binangonan, Rizal sa bisa ng isang warrant of arrest na nilabs ng Regional Trial Court Branch 81 noong Decemer 2016 dahil sa kasong frustrated murder.
Hindi na nakapalag si Moral ng lapitan ng operatiba bandang alas-8 ng gabi nitong Miyerkules, June 05.
Nakakulong na si Moral sa Binangonan Municipal Police Station at inaasahang ibabiyahe pabalik ng Magdiwang para iharap sa korte.
Maaring makalaya pansamantala si Moral kung sakaling magbabayad ito ng piyansang aabot sa P200,000.
