Hindi pa naman umano naapektuhan ng Tax Reform for Acceleration and Inclusion (TRAIN) Law ang singil ng Tablas Island Electric Cooperative (TIELCO) sa kanilang mga consumers as of April 2018.
Ayon kay TIELCO General Manager Orville Ferranco ng makapanayam ng mga mamahayag nitong Linggo, subsidized umano ng gobyerno ang generation charge ng TIELCO mula sa Sunwest Water and Electric Co., Inc. (SUWECO) kaya kahit umano lumaki ang kanilang singil sa generation charge ay mananatili sa P6.1504 per kilowatt hour ang kanilang singil.
Maaring tumaas lang umano dahil sa TRAIN Law ay ang Expanded Value Added Tax (E-VAT) na pinapataw ng TIELCO sa mga consumers pero sa ngayon umano ay hindi pa sila nagtaas.
Ipapaalam rin umano nila sa mga tao kung sakaling may pagbabago sa singil ng kuryente ang pamunuan ng Tablas Island Electric Cooperative (TIELCO).
Makakatulong rin umano para mapababa ang generation charge ng TIELCO kung sakaling matapos na ang itatayo ng SUWECO na Solaw Power Plant sa bayan ng Odiongan ngayong taon.
