Pinagkalooban ng Philippine National Police ang San Agustin Municipal Police Station ng bagong building para sa kanilang opisina.
Nitong April 06, pinangunahan ni Police Chief Supt. Froilan Quidilla, Deputy Regional Director for Administration ng Police Regional Office MIMAROPA, ang groundbreaking ceremony sa pagtatayuan ng nasabing building.
Ayon kay Quidilla, nagkakahalaga ang nasabing building ng mahigit P4-million pesos mula sa 2017 budget ng Philippine National Police.
Inaasahang matatapos ang nasabing construction sa loob ng 240 calendar days.
Dumalo rin sa nasabing seremonya sina Governor Eduardo Firmalo, Police Senior Supt. Leo Quevedo, Provincial Director ng Romblon Police Provincial Office, at si San Agustin Mayor Denon Madrona.
