Ipatutupad na Romblon State University simula ngayong pasukan ang hindi paniningil ng miscellaneous at tuition fees sa mga estudyante alinsunod sa Republic Act 10931 o mas kilalang Universal Access to Quality Tertiary Education Act.
Ayon kay Dr. Arnulfo De Luna, Presidente ng Romblon State University ng makapanayam ng mga mamahayag sa Kapihan sa PIA-Romblon nitong Lunes, simula June 2018 ay libre na ang mga ito sa pamantasan.
“Ang babayaran nalang nila ay yung mga NSTP, Harrow, SSC at yung sa College fees,” ayon kay Dr. De Luna.
Aniya, simula palang nitong natapos na semester ay partial na nilang naipatupad ang Universal Access to Quality Tertiary Education Act kung saan hindi na naningil ang pamantasan ng tuition fees sa lahat ng estudyante.
Ngayong taon mula sa General Appropriations ay mayroong P104-million na budget ang pamantasan noong nakaraang taon at ngayong taon ay may halos P150-million umano silang budget para rito.
Handa naman umano ang pamantasan na tanggapin ang mga bagong graduates mula sa K-12 program ng Department of Education at inaasahan umanong simula ngayong pasukan ay madagdagan ng halos 3,000 na estudyante sa main campus palang.
Sa ngayon, nag-offer ang Romblon State University ng mga kursong Bachelor of Science in Elementary Education (BSEEd), Bachelor of Science in Secondary Education (BSSEEd), Bachelor of Science in Accountancy (BSA), Bachelor of Science in Business Administration (BSBA), Bachelor of Science in Hotel and Restaurant Management (BSHRM), Auto-Diesel Technology (ADT), Bachelor of Science in Agricultural Engineering (BSAE), Bachelor of Science in Civil Engineering (BSCE), Bachelor of Science in Electrical Engineering (BSEE), Bachelor of Science in Mechanical Engineering (BSME), Electrical Technology (ELT), Electronics and Radio Technology (ERT), Bachelor in Agricultural Technology (BAT), Bachelor of Science in Agriculture (BSAgri), Bachelor of Arts in Political Science (AB PolSci), Bachelor of Arts in English (BA English), Bachelor of Science in Biology (BS Bio), Bachelor of Science in Public Administration (BS PublicAd), Bachelor of Science in Information Technology, at Bachelor of Science in Criminology.
