Mataas na falls at malinis na tubig, ito ang makikita mo kapag marating mo ang bagong diskobreng Twin Falls at Oliog Falls sa Sitio Palati, Barangay Libertad, Odiongan, Romblon.
Ayon sa mga mountainers ng Romblon Baktas Mountaineers na nakarating sa nasabing talon nitong weekend, sobrang ganda umano ito tingin nila’y isa sa mga pinakamataas na talon na matatagpuan sa Tablas Island.
Ang nasabing Oliog Falls ay isa lamang sa maraming talon na matatagpuan sa lugar at ayon sa kumuha ng litrato na si Klimvel Gregorio Cangson, mahirap umano kunan ng litrato ang iba kaya ang magandang Oliog Falls at Twin Falls lang ang kanilang nakunan.
May kalayuan rin umano ang nasabing talon mula sa kalsada ngunit sigurado umanong mawawala ang pagod mo sa paglalakad kapag narating na ang magandang talon.
Ayon sa Provincial Tourism Office ng Romblon, tinitingnan na nila ang posibilidad na idevelop ang nasabing talon ganun na rin ang kalsada patungo sa lugar.
