Isang lolo ang nasawi matapos na masalpok ng isang motorsiklo sa bahagi ng Barangay Tugius, Looc, Romblon nitong hapon ng Sabado.
Kinilala ng pulisya ang biktima na si Hermogenes Gusi, 54-anyos.
Sa report na nakarating sa opisina ni Police Senior Inspector Leidelyn Ambonan, spokeperson ng Romblon Provincial Police Office, pauwi na umano ang rider na si Joseph Francisco, 57-anyos, galing sa bayan ng Looc patungong Barangay Madalag, Alcantara, Romblon ngunit pagdating niya umano sa bahagi ng Tablas Island circumferential sa boundary ng Barangay Punta, at Barangay Tuguis ay nasalpok nito ang tumawid biglang si Gusi.
Tumilapon ang biktimang si Gusi at agad na isinugod sa Don Modesto Formilleza Sr. Memorial Hospital sa Looc, Romblon si Gusi ngunit inilpat rin sa Romblon Provincial Hospital at kalaunan ay nasawi.
Inaresto si Francisco ng mga tauhan ng Looc Municipal Police Station at maaring maharap sa kasong reckless improdunce resulting to homicide.
Walang naipakitang LTO driver's license si Francisco sa mga tauhan ng Looc Municipal Police Station.
