Pito (7) na mangingisda sa San Fernando, Romblon ang inaresto ng mga tauhan ng San Fernando Municipal Police Station nitong hapon ng Lunes, January 28 malapit sa dagat ng barangay Azagra.
Ayon kay Romblon Police Provincial Office (RPPO) Spokeperson, Senior Inspector Leidelyn Ambonan, bandang alas-2 umano ng hapon ng Lunes ng maaktuhan ng mga tauhan ng San Fernando Municipal Police Station ang 7 lalaki na gumamit ng compressor bilang breathing apparatus.
Kinilala ang mga naaresto na sina Malirton Ritual, 25; Marvin Mahusay, 27; Ariel Relox, 22; Christina Rase, 32; Jino Camarine, 24; Jeke Merida, 22; at MJ Zarbito, 22.
Sa paggamit umano ng mga suspek sa compressor bilang breathing apparatus ay labag sa Municipal Ordinance 35-B ng San Fernando, Romblon.
Dinala ang mga nahuli sa Romblon Municipal Police Staion para ipagmulta.
