Dalawang mangingisdang galing Antique ang na-stranded sa baybayin ng Alcantara, Romblon matapos na mawalan ng gasulina ang kanilang pumpboat na sinasakyan.
Kinilala ang dalawang mangingisda na sina Clarito Saniosa, 24 taon gulang at Roldan Marcelino, 26 taon gulang, pawang residente ng Barangay May Bato Sur, San Jose, Antique.
Dumaong sa dalampasigan ng Brgy. Calagonsao sa bayan ng Alcantara ang dalawang mangingisda bago mag alas-6 kagaibi, December 1, 2017.
Ayon sa panayam ng mga opisyales ng barangay, nahiwalay umano ang dalawang mangingisda sa ibang kasama matapos silang maubusan ng krudo kaya napagdesisyunan na lamang nilang dalawa na isagwan kung saan ang may pinakamalapit na pampang ang kanilang pumpboat.
Sa ngayon ay nasa pangangalaga muna ng isang residente ng barangay ang dalawang mangingisda.
Patuloy pa rin ang pagsiyasat kung ano ang magiging aksyon ng otoridad kung paano makakabalik ang dalawa sa Antique.
