{googleads center}
Panalo sa dalawang category ang Cajidiocan National High School sa katatapos lang na Cajidiocan-Magdiwang District School Press Conference na ginanap sa Magdiwang National High School nitong November 02-04.
Naglaban-laban ang mga paaralan ng Cajidiocan National High School, Agutay National High School, at Magdiwang National High School para sa pwesto na ilalaban sa Divison Competition na gaganapin naman sa Looc, National High School sa susunod na mga buwan.
Ang nasabing patimpalak ay naglalayong mahubog ang talento ng mga kabataan sa sekondarya pagdating sa larangan ng pamamahayag. Naipamalas dito ng mga kabataan ang kanilang galing sa Radio Broadcasting, TV Broadcasting at iba pang sangay ng pamamahayag.
Panalo ang Cajidiocan National High School sa Radio Broadcasting in Filipino and English Category habang panalo ang Magdiwang National High School sa TV Broadcasting in English Category.
