Arestado ang apat katao sa bayan ng Magdiwang matapos na maaktuhan ng mga tauhan ng Magdiwang Municipal Police Station at Romblon Provincial Public Safety Company na nagmimina ng iligal sa Sitio Dulangan Maliit, Barangay Ipil sa nasabing bayan.
Kinilala ang mga naaresto na sina Mario Ruado Rodelas, 59 years old; Edgar Molino Dela Cruz, 42 years old; Bagie Arroyo Dela Serna, 37 years old; at John Paul Cabarlis Merico, 18 years old.
Ayon sa pulisya, bandang 6:30 kanina ng umaga nang magsagawa ng operasyon ang pulisya laban sa grupo.
Nakuha sa mga suspek ang mga gamit sa pag mina kagaya ng water pump at dalawang sako ng mineral ore na nagkakahalaga ng P150,000.
Hindi na nakapalag ang mga suspek at agad na dinala ng mga tauhan ng pulisya sa Magdiwang Municipal Police Station.
{googleads center}
