Nagtamo ng galos sa mukha ang driver ng isang kotse at kanyang asawa matapos masangkot sa isang aksidente nitong hapon ng Sabado sa bayan ng Alcantara, Romblon.
Kinilala ang may dala ng sasakyan na si Perpec Galicia, residente parehong bayan.
Ayon sa mga nakasaksi, bigla umanong nawala sa daan ang sasakyan ni Galicia at sumalpok sa isang gate.
Agad namang rumisponde ang mga tauhan ng Alcantara Rural Health Unit at Municipal Police Station para matulungan si Galicia.
Sinabi naman ni Galicia na may iniwasan umano siyang bata ngunit dahil sa basang kalsada bigla umanong nawalan siya ng kontrol sa sasakyan hanggang sa sumalpok sa gate ng bahay ni Roque Galang.
Ligtas na ngayon ang mag-asawa.