Naaresto ng mga tauhan ng Santa Fe Municipal Police Station, Caluya MPS/Antique PPO, Bulalacao MPS/Oriental Mindoro PPO sa Barangay Semirara, Caluya, Antique ang number ten top most wanted person ng bayan ng Sante Fe, Romblon nitong umaga ng Huwebes.
Ang suspek ay kinilala ni Romblon Police Provincial Office Spokeperson PSInp Ledilyn Ambonan sa pangalang Jose Malacad Umambong, 48-taong gulang, at residente ng Barangay Guinbirayan, Santa Fe, Romblon. Inaresto ang suspek sa bisa ng warrant of arrest na nilabas ng Regional Trial Court Branch 82 noong April 24, 2017.
Ayon sa pulisya, ang suspek ay wanted sa kasong paglabag sa Republic Act 9262 o mas kilalang Anti-Violence Against Women and Their Children Act of 2004.
Hawak na ngayon ang suspek ng Santa Fe Municipal Police Station at nakatakdang ibiyahe patungong Odiongan para iharap sa korte.
May piyansa ang kaso ni Umambong ng halagang P12,000.
{googleads center}
