Sa pagdiriwang ng 116th Police Service Anniversary sa Romblon na ginanap sa Romblon Police Provincial Office sa bayan ng Romblon, Romblon nitong Biyernes, September 15, itinanghal na Best Municipal Police Station sa probinsya ng Romblon ang Municipal Police Station sa bayan ng Odiongan para sa taong 2016.
Ang Odiongan Municipal Police Staion ang napili ng pamunuan ng Romblon Police Provincial Office sa aabot 17 na munisipyo sa buong lalawigan.
Tinanggap ang nasabing parangal ni Police Senior Inspector Manuel Fernandez Jr., na iniaabot naman ni MIMAROPA Police Regional Office Director Police Chief Supt. Wilben Mayor na naging panauhing pandangal rin sa nasabing pagdiriwang.
Ang tema ngayong taon ng nasabing pagdiriwang ay “Buhay ng Pulis handang Ibuwis, Para sa Katahimikan at Kaayusan ng Bayan”.
Maliban rito, nakatanggap rin ang mga tauhan ng Odiongan Municipal Police Station ng iba pang parangal katulad ng Best Senior PNCO for Investigation na nakuha ni SPO1 Albert Jure Fernandez, at ang Best Junor PNCO for Administration ni PO3 Ronald Punzalan.
{googleads center}
