Naaresto sa magkahiwalay na operasyon sa bayan ng Romblon at Odiongan ang dalawang naaktuhang nagpapataya umano ng ‘loteng’ sa kanilang mga lugar.
Sa Romblon, naaresto kahapon ng Romblon Municipal Police Station si Filipina Musa, 40-taong gulang, at residente ng Barangay Lamao, Romblon, Romblon.
Ayon sa spot report ng Romblon MPS, naaktuhan umano ang suspek na kinokolekta ang pera na taya sa nasabing laro.
Nakuha sa suspek ang ilang gambling paraphernali, at P2854 na pera.
Sa bayan naman ng Odiongan, naaresto kanina ng mga tauhan ng Odiongan Municipal Police Station ang suspek na si Diony Gajulin Estores, 43-taong gulang, residente naman ng Sitio Tabing-Ilog, Barangay Panique, Odiongan, Romblon.
Ayon sa Odiongan MPS, naaktuhan rin umano nilang nangungulekta ng taya ang suspek ng kanilang mahuli.
Nakuha naman sa suspek ang 1 pirasong ending card, 1 booklet ng PBA ending recepit, 1 ballpen, at P120 na pera, at isang motorsiklo.
Nakakulong na ang parehong suspek at nahaharap sa kasong paglabag sa Presidential Act 1602 na na-amyendahan ng Republic Act 9287.
{googleads center}
