Matapos ang ilang araw na pagmamatyag sa isang lalaki sa bayan ng Looc, Romblon; naaresto sa buy-bust operation nitong Huwebes, July 27 ng hapon sa Barangay Balatucan ng parehong bayan ang suspek di umano’y nagtutulak ng iligal na droga sa lugar.
Kinilala ni Police Senior Inspector Lovino Galarosa ng Looc Municipal Police Station ang suspek na si Hernan Cahig, 39-taong gulang. Tubong Bohol umano ang suspek at kasalukuyang nakatira sa Barangay Camandag ng parehong bayan.
ADVERTISEMENT
Nakuha umano sa suspek ang pinaghihinalaang droga, ilang pera kasama ang ‘marked money’ at ilang drug paraphernalia.
Kasalukuyang nakakulong ang suspek sa Looc Municipal Police Station at nakatakdang kasuhan ng paglabag sa Republic Act 9165 o sa Dangerous Drugs Act of 2002.
