Isang ipo-ipo ang dumaan sa mga residente ng Barangay San Roque, Alcantara, Romblon kaninang madaling araw.
Ayon sa mga residente ng nasabing barangay, bandang alas 3:30 ng madaling araw kanina ng biglang umulan ng malakas kasabay ang malakas na hangin. Ilang minuto pa ang lumipas umano'y biglang may mga bunga ng niyog at kahoy ang kanilang naririnig na nagbabagsakan sa kanilang mga bubong.
Pagsikat na ng araw nila umano nakitang ipo-ipo pala ang dumaan sa kanilang barangay kagabi.
Wala namang naiulat na nasaktan sa nasabing barangay dahil sa ipo-ipo, maliban sa isang bahay na nasira ang ‘pawid' na bubong.
