Nagsagawa ng simulation exercise na may kaugnayan sa Condition Situation Response System (CSRS) ang mga tauhan ng Odiongan Municipal Police Station kabahagi ang Romblon Provincial Public Safety Company sa pangunguna nina Police Senior Inspector Manuel Fernandez Jr. at ni Police Supt. Ariel Celino.
Ginanap ang simulation exercise sa Odiongan Town Plaza sa Barangay Liwayway, Odiongan, Romblon nitong hapon ng June 27.
Ang sitwasyon, kunyari may isang pick-up truck na may apat na sakay na naka park sa harap ng Jollibee Odiongan ang na hijacked ng galit at armadong Police Officer. Dahil sa galit ng police at gustong mag iskandalo, dinala nito ang sasakyan sa loob ng public plaza at inanunsyong papatayin niya isa-isa ang mga sakay ng sasakyan kung hindi pagbibigyan ang demands nito.
Isa umano sa mga police officer ng Odiongan MPS na nasa beat patrolling malapit sa Jollibee ang nakatunog sa pangyayari at agad na tumawag sa Odiongan Municipal Police Station para i-report ang insidente at ang nangyayaring hostage taking sa Public Plaza.
Agad na tumawag ang Chief-of-Police ng Odiongan MPS sa Provincial Director ng Romblon PPO at CO ng Provincial Public Safety Company para sa mag-report at humingi ng suporta kaugnay sa nangyaring insidente. Noong mga oras na iyon nag-utos na ang COP ng Odiongan MPS na magdagdag ng mga tauhan sa lugar para i-isolate ang crisis area.
Nagtayo rin ng Incident Command Post ang Odiongan MPS at nakipag-ugnayan sa ilang negotiating team, Special Weapons and Tactics Team (SWAT), Security Team, Medical Team, Intelligence/Investigation Team, Public Information Officer (PIO), Police Community Relation Team (PCR), Logistics, and other membrs of Odiongan Emergency Services.
Nakipag-ugnayan ang negotiating team sa suspek para mag-offer ng win-win solution ngunit nabigo sila kaya naghanap ulit ng paraan ang mga nasa Incident Command Post.
Mas lalo pang naging agrisibo ang suspek, kaya dito na umaksyon ang ang sinper, nagpaputok ito patungo sa suspek, at ilang sigundo'y gumalaw na ang mga tauhan ng SWAT para sa quick assualt.
Nailigtas ang mga hostages habang na neutralized naman ang hostage taker.
