Sugatan ang isang lalaki matapos itong barilin ng isang pang lalaki pasado alas-10 ng gabi nitong Sabado sa Barangay Buli, San Agustin, Romblon.
Ayon sa inisyal na imbestigasyon ng San Agustin Municipal Police Station, kumakain umano ng noodles ang biktimang si Raffy Romero, kasama ang kanyang mga barkada sa isang sari-sari store ng dumating ang suspek na si Jake Mindoro Mariño 30; kasama si Dario Pagayonan Laguya, 32, sakay ng isang pick-up truck.
Bumili pa umano ng sigarilyo ang suspek sa tindahn bago paputukan si Romeo. Agad na tumakas at tumakbo papalayo umano ang suspek matapos nitong mabaril ang biktima ngunit naiwan ang kasama nito na nasa loob ng pick-up truck, dagdag ng San Agustin PNP.
Nagtamo ng tama ng baril sa lower righ abdomen ang biktima kaya agad itong isinugod sa Tablas Island District Hospital sa parehong bayan at kinalaunan ay dinala sa Romblon Provincial Hospital sa Odiongan.
Agad namang rumisponde sa crime scene ang grupo nina Police Senior Inspector Clarms Mutia ng San Agustin Municipal Police Station kasama ang Provincial Public Safety Company sa pangunguna ni Police Chief Inspect Napoleoon Germinal.
Ayon naman sa San Agustin PNP, binubugbog ng ilang lalaking nakasaksi at napagkamalang kasabwat ni Mariño ang kasama nitong si Laguya na nasa loob ng ng sasakyan ng mga oras na naganap ang pamamaril.
Dinala siya sa San Agustin Municipal Police Station para imbestigahan ngunit pinalaya rin kalaunan.
Bandang 12:40AM naman ng June 25, sumuko ang suspek na si Jake Mariño sa mga pulis at narekober rin sa follow-up operation ang ginamit na baril na ARMSCOR Caliber 45.
Patuloy na iniimbestigahan ng pulisya ang krimen para alamin kung anong rason ni Mariño sa pamamaril.
Ligtas na ngayon ang biktima at nagpapagaling sa Hospital.
