Sugatan ang apat na estudyanteng magbabarkada matapos na maaksidente sa bahagi ng National Road sa Barangay Lawan, Alcantara, Romblon nitong Sabado.
Ayon sa nakuhang impormasyon ng Romblon News Network, galing sa road trip sa bayan ng Sta. Maria ang apat na menor-de-edad kasama ang ilan pang barkada ng manyari ang aksidente.
Kwento ng ilang saksi, mabilis umano ang patakbo ng apat mga estudyante at pagdating sa may kurbada sa Barangay Lawan nasalpok nila ang kasalubong na owner type jeep na minamaneho naman ni Rolando Elacio.
Sa lakas ng pagkakasalpok, pumailalim ang motorsiklo na sinasakyan ng apat na estudyante.
Agad naman silang tinulungan ng mga nakasaksi at agad na dinala na sa Romblon Provincial Hospital sa Odiongan dahil sa malala nilang lagay.
Nitong Linggo, napag-alaman ng Romblon News Network na dalawa sa mga estudyante ay nabalian ng buto sa paa.
Nagpapagaling na silang apat sa Romblon Provincial Hospital.
