Sugatan ang isang lalaki sa bayan ng Odiongan matapos na mataga ng kanyang kapatid nitong gabi ng May 24.
Kinilala ng pulisya ang biktima na si Nelson Layusan, 33 years old, habang ang suspek naman ay kinilalang si Sonny Layusan Jr., 25 years old pawang residente ng Sitio Bulwang, Barangay Gabawan, Odiongan, Romblon.
Ayon sa imbestigasyon ng Odiongan Municipal Police Station, sinugod umano ng biktima ang suspek sa kanyang bahay at dito sila nagkaroon ng sagutan. Upang makaiwas sana sa gulo, umalis ang suspek na si Sonny patungo sa isa pa niyang kapatid na kinilalang si Wendel Layusan ngunit sinndan umano ito doon ng biktima.
Dito na umano nagkasagutan ang biktima at si Wendel, maya-maya pa ay nagtangka ng saksakin ng biktima si Wendel ngunit biglang dumating si Sonny at biglang pagdepensa nasaksak niya ang biktima.
Agad na isinugod ang biktima sa Romblon Provincial Hospital kung saan siya ngayo'y nagpapagaling.
Ayon sa Odiongan Municipal Police Station, nasa impluwensya umano ng alak ang biktima ang suspek nang mangyari ang nasabing insidente.
Nakatakdang kasuhan ng Odiongan Municipal Police Station ang suspek ng kasong Frustrated Murder.
