Tumanggap ng Red Orchid Award ang mga munisipyo ng Alcantara at San Agustin na matatagpuan sa isla ng Tablas sa lalawigan ng Romblon kanina sa ginanap na Regional Red Orchid Award and Search for Barangay with Best Sanitation Practices sa isang hotel sa Quezon City.
Ipinagkaloob ng Department of Health ang nasabing award sa dalawang bayan dahil sa maigting na pagpapatupad sa kanya-kanya nitong smoke free ordinance.
Ang nasabing award ay isa sa mga pinaka prestiyosong award na ginawad ng Department of Health sa nasabing event.
Masaya namang tinanggap nina Alcantara Mayor Eddie Lota at San Agustin Mayor Denon Madronan ang nasabing parangal.
Samantala nakatanggap rin ng paranggal ang dalawang barangay ng bayan ng Ferrol dahil naman sa best Sanitation Practices nito; Ito ay ang mga barangay ng Bunsuran at Agnocnoc.
