Arestado sa bisa ng isang warrant of arrest ang top 2 most wanted person ng bayan ng San Fernando, Romblon tanghali ng March 01, na si Barsinio Mesa, residente ng Barangay Agtiwa, San Fernando, Romblon.
Ang warrant of arrest ay inilabas ni Hon. Judge Placido Marquez of Regional Trial Court Branch 81, Romblon, Romblon noon pang November 10, 1997.
Si Mesa o alyas Barsing ay may kasong frustrated murder.
Ikinasa ang operasyon ng grupo na binubuo ng San Fernando Municipal Police Station, personel ng Romblon Provincial Public Safety Company, at ng PIDMB.
Ayon sa San Fernando Police, nakatanggap sila ng tip galing sa kamag-anak ng suspek kung saan ito nagtatago ng halos dalawang dekada na.
Sinubukan pang tumakas ni Alyas Barsing ngunit hindi siya nakalayo dahil sa dami ng mga pulis na nakapalibot sa kanyang tinitirhan.
Nakatakdang dahil si Alyas Barsing sa Romblon, Romblon para iharap sa korte at ikulong sa Romblon Provincial Jail.
Maari siyang makapag piyansa ng P12,500 para sa kanyang pansamantalang kalayaan.
