Sugatan ang isang lalaki matapos na sasaksakin gamit ang kutsilyo ng kanyang bayaw sa Sitio Masikap, Barangay Tuburan, Odiongan, Romblon nitong gabi ng March 03.
Sa imbestigasyon ng Odiongan Municipal Police Station, umuwi umanong lasing ang suspek na kinilalang si Eddibon Villacrusis, 34 sa bahay kung saan nakatira rin ang biktimang si Renante Casinillo, 35.
Narinig umano ni Villacrusis na nakikipagtalo at sinasabihan ng masasamang salita ang asawa ni Casinillo na kapatid naman ni Villacrusis.
Dahil sa galit, nakipagtalo umano ang suspek at kumuha ng kutsilyo sabay saksaky sa tagiliran ng suspek.
Agad namang isinugod ang biktimang si Casinillo sa Romblon Provincial Hospital ng mga kapitbahay na nakarinig sa pagtatalo ng dalawa.
Matapos ang ilang oras, sumuko ang suspek na si Villacrusis sa Barangay Captain ng Barangay Tuburan at sa pulisya.
Nagpapagaling na si Casinillio sa Romblon Provincial Hospital habang ang suspek na si Villacrusis ay nakatakdang kasuhan ng pulisya ng Frustrated Homicide.
