Isang patay at naagnas ng dolphin ang natagpuan ng mga residente ng Barangay Carmen, San Agustin, Romblon sa dalampasigan malapit sa isang sanctuary sa lugar ngayong araw.
May mga sugat umano ang dolphin at tinatayang may dalawang araw ng walang buhay ito.
May haba umano itong 6ft at may bilog na halos 32 inches.
ADVERTISEMENT
Dahil sa mabaho na at naagnas na ang nasabing dolphin, agad na inilibing ito ng mga residente ng nasabing lugar kaya hindi na rin ito nasuri ng mga tauhan ng Bureau of Fisheries and Aquatic Resources.
Maaring napadpad lang umano sa lugar ang nasabing dolphin dahil wala naman umanong alaga ang sanctuary ng ganitong hayop.
