Arestado sa operasyon ng mga kapulisan ng Regional Police Office MIMAROPA kasama ang mga tauhan ng Valenzuela City Police ang isa sa mga most wanted person ng lalawigan ng Romblon.
Bandang 10:30PM ng gabi nitong February 26, kinasa ng grupo ang operasyon sa lugar na di umanoy pinagtataguan ng suspek sa Valenzuela city na si Jonathan Rosas, residente ng San Fernando, Romblon.
Hindi na nanlaban ang suspek na si Rosas na dinakip sa bisa ng Warrant of Arrest na inilabas ng Regional Trial Court Branch 81, Romblon, Romblon.
Ayon sa awtoridad, nakatanggap sila ng tip na nagtatago ang suspek sa Valenzuela City dahil sa kaso nitong frustrated murder sa Romblon.
Nakatakdang ibyahe na ang suspek pabalik ng Romblon, Romblon para iharap sa korte.
