Isang 64-taong gulang na lolo ang nagpatiwakal sa pamamagitan ng pagtatali sa leeg sa kanyang tinutuluyan na boarding house sa bayan ng Odiongan, Romblon nitong umaga ng Biyernes, February 17.
Kinilala ni Police Senior Inspector Manuel Fernandez Jr., ang lalaki na si Rene Badillo Bernardez, walang trabaho at dating nakatira sa Ferrol, Romblon.
Batay sa imbestigasyon ng kapulisan, bago umano magpatiwakal ang lalaki ay nagawa pa umano nitong tawagan ang kanang live-in nasa opisina para sabihin kung gaano niya ito kamahal.
Dahil sa kakaibang pahiwatig ng kanyang kinakasama, agad itong umuwi at ikanagulat ng makita ang kanyang kinakasama na nakatali na ang leeg.
Kinailangan pang gumamit ng pwersa ang babae para makapasok sa bahay dahil sa mga nakarasadong pintuan.
Idineklara naman ng nagrespondeng doctor na dead on the spot ang senior citizen.
Ayon sa live-in partner ng biktima may problema umano ito sa kalusugan at kapos sa pinansyal para matustusan ang pang-araw araw na gamot at maaring naging dahilan umano para tapusin ng biktima ang sariling buhay.
